AUNT ASEMA KITU KINACHOMUUMIZA KATIKA MAHUSIANO YAKE NA IYOBO

Msanii wa filamu ambaye ni mama wa mtoto mmoja, Aunt Ezekiel katika usiku wa siku ya wapendanao alifunguka na kuzungumzia kitu ambacho kilimuuza katika mahusiano yake na Mose Iyobo.

Akiongea na Bongo5 usiku wa jana katika show ya Valentine’s Day iliyoandaliwa na Irene Uwoya, Aunt amedai kitu ambacho kilikuwa kinamsumbua ni kuambiwa anatoka na mkata viuno.

“Kusema kweli kuna mambo mengi yanatokea kwenye mahusiano lakini mimi hakuna kitu ambacho kilikuwa kinaniumiza kama watu kuniambia natoka kimapenzi na mkata viono, nilikuwa naumia sana kusema kweli,” alisema Aunt Ezekel “Lakini baadaye nikawa nashangaa wao ambao wanadai natoka na mkata viuno wakaanza kumtumia meseji Mose kwamba wanamtaka,lakini nashukuru sikukata tamaa mpaka sasa nipo na Mose na tunapenda sana,”

Muigizaji huyo amedai amevumilia vingi mpaka sasa ambapo anafurahia maisha yake akiwa Mose Iyobo ambaye ni dansa ya Diamond Platnumz.

BIFU LA DIVA NA JOKETI UPYAA

Mtangazaji wa kipindi cha Ala za Roho cha Clouds FM, Diva The Bosslady amefunguka kwa kudai kuwa katika mastaa wa muziki Alikiba ndiye msanii ambaye anatamani kudate naye.

Diva ambaye kwa sasa anatoka kimapenzi na muimbaji Heri Muziki, alikuwa host wa show ya Valentine’s Day iliyofanyika Jumatano hii katika ukumbi wa Next Door na kuhudhuriwa na mastaa mbalimbali.

Akiongea na waandishi kabla ya kwenda kusherehesha show hiyo iliyoandaliwa na Irene Uwoya, Diva alidai Alikiba ndiye msanii ambaye anatamani kudate naye.

“Alikiba ndiyo msanii au staa ambaye natakamani kudate naye,” Diva alisema baada ya kuulizwa ni staa gani ambaye anatamani kudate naye. “Sijawahi kutoka naye kimapenzi, pia sasa hivi mimi nipo kwenye mahusiano na mtu mwingine,”

Mtangazaji huyo alidai yeye wanaume wake wengi anawapata kupitia kipindi chake la Ala za Roho ambacho huchambua mambo mbalimbali kuhusu mahusiano.

WASTARA ASEMA ANAWEWEZA KUMUACHA MPENZI WAKE BOND MDA WOWOTE

 BURUDANI

Msanii wa bongo movie Wastara amemchana mpenzi wake wa sasa Bond kwamba asipojirekebisha baadhi ya tabia zake atamuacha na akimwacha hatarudi tena kwake.

Hata hivyo Wastara amesema anaweza kuvumilia shida anazopata kwa Bond lakini anaweza kumuacha muda wowote kwani hahitaji 'stress' za kimapenzi huku akiweka wazi kuwa amejitahidi na amefanikiwa kumrekebisha kwa 80 % na endapo ataendelea na mambo yake ya zamani zamani ataachana naye.

Akiongea kupitia eNewz ya EATV, Wastara amesema "Niseme tu ukweli kwamba kwa Sajuki hakuna mtu anayeweza kufikia upendo wetu kwa kuwa Sajuki alikuwa anajali kila kitu ambacho nilikuwa nakipenda, kitu ambacho mpaka sasa sijapata ni mtu ambaye amefikia hatua za Sajuki ". Alisema Wastara

MANCHESTER CITY YAKWEA HADI NAFASI YA PILI LIGI KUU UINGEREZA

Timu ya Manchester City imepanda hadi katika nafasi ya pili katika msimamo wa Ligi Kuu ya Uingereza baada ya kupambana na kuibuka na ushindi wa magoli 2-0 dhidi ya Bournemouth katika dimba la Vitality.

Akiwa ameanzia benchi mshambuliaji wa Manchester City, Sergio Aguero, aliingia katika dakika ya 14, kufuatia kuumia kwa mshambuliaji anayemyima namba kwa hivi sasa Mbrazili Gabriel Jesus.

Lakini alikuwa Raheem aliyeipatia Manchester City goli la kwanza, baada ya kipa Artur Boruc kuokoa mara mbili magoli, Tyrone Mings alijikuta akijifunga goli la pili kufuatia shinikizo la lililochangiwa na Aguero. 

MKWASSA APATA SHAVU YANGA

Boniface Mkwasa, Katibu mkuu Yanga Sc

Klabu ya Yanga leo imemtangaza aliyewahi kuwa kocha wa klabu hiyo kabla ya kuwa kocha wa Taifa Stars, Charles Boniface Mkwasa kuwa Katibu Mkuu wake.

Mkwasa anajaza nafasi iliyokuwa wazi kwa muda mrefu huku ikikaimiwa na Baraka Deusdedith baada ya kuondoka kwa Dkt. Jonas Jonas Tiboroha

Baada ya klabu ya Yanga kumtangaza Mkwasa kushika nafasi hiyo, mwenyewe amefunguka na kusema kuwa hana nia yoyote ya kurudi kwenye kiti kama kocha wa klabu hiyo kwani anadai anaamini walimu wote waliopo kwenye benchi la ufundi.

Mkwasa aliweka wazi msimamo huo mapema baada ya baadhi ya watu kuhisi huenda labda amekuja Yanga kuongeza nguvu katika benchi la ufundi

"Nimekuja Yanga SC kufanya muunganiko kati ya waalimu na Sekretarieti na pia sina nia yeyote ya kurudi kwenye kiti cha kufundisha kwenye klabu ya Yanga SC kwani sina shaka yeyote juu ya walimu waliopo kwenye benchi la ufundi" alisema Boniface Mkwasa Katibu mkuu Yanga SC

BREAKING NEWS:KIPA WA KAGERA SUGAR,DAVID BURHANI AFARIKI DUNIA

 

Taarifa tulizozipata hivi punde zinasema Kipa nambari moja  wa  Timu ya kagera Sugar,David Burhan amefariki leo Januari 30,2017 katika Hospital ya Bugando Mwanza. 

Burhan inadaiwa kua aliumwa ghafla wakiwa njiani kuelekea Singida kwenye mechi ya Azam Federation Cup. Na waliporudi Kagera hali yake ikazidi kuwa mbaya na hivyo kukimbizwa Bugando. 

Hii ni kwa mujibu wa Kocha wake Mecky aliyenipigia asubuhi hii.

Katika miaka ya hivi karibuni alizidakia klabu za majiji FCna Mbeya Citu kabla ya kujiunga na Kagera Sugar

HAJI MANARA AAHIDI KUMPOSA WEMA SEPETU

Mkuu wa Kitengo cha Habari na Mawasiliano wa Klabu ya Simba, Haji Sunday Manara amelipa mtihani mwingine Shirikisho la Soka Tanzania (TFF) kwa kuahidi kufanya maamuzi makubwa endapo ratiba ya ligi kuu haitabadilishwa hadi mwisho wa msimu.

Maamuzi ambayo Haji ametangaza kuyafanya ni kumposa mrembo wa Tanzania (Miss Tanzania) mwaka 2006 Wema Sepetu na kumuoa endapo atakubali, lakini kama hatakubali, Haji ameahidi kutembea akiwa amevaa nguo ya ndani pekee (Boxer) kutoka nyumbani kwake hadi katika ofisi za TFF zilizoko Ilala Dar es Salaam.
“Nimalizie Kwa kuwapa mtihani mwingine TFF na bodi ya Ligi, iwapo Kama ratiba yao ya Ligi kuu na Kombe la shirikisho haitabadilishwa kuanzia sasa hadi mwisho wa msimu, ntamposa mlimbwende Wema Sepetu, na akikubali ntamuoa, akikataa ntatembea na boxer toka Nyumbani kwangu hadi TFF” Amesema Manara
Hatua hii ya Haji imekuja ikiwa ni saa chache baada ya Bodi ya Ligi kusogeza mbele mchezo kati ya Simba na Yanga uliokuwa umepangwa kufanyika Februari 18, mwaka huu na sasa utachezwa Februari 25 mwaka huu.
Hatua hiyo ya Bodi ya Ligi imekuja kama kutimiza kile ambacho Manara alikiahidi awali mwanzoni mwa msimu, ambapo alisema kuwa angetembea akiwa mtupu endapo ratiba ya ligi isingebadilishwa.
Katika tamko lake la sasa kupitia ukurasa wake wa Facebook, Manara ameeleza kusikitishwa kwake na kile alichokiita ubabaishaji katika upangaji ratiba, na kulitaja suala hilo kuwa ni moja ya sababu ya Tanzania kukwama katika soka.
“Ninajiuliza iwapo ratiba ya Ligi yetu ni muhali kuipanga,vipi kuhusu program nyingine za maendeleo? Itakuwaje kuhusu timu yetu ya taifa juu ya ndoto zetu za mchana wa jua kali? vipi kuhusiana na zile programu hewa za soka la vijana, watoto na wanawake?”
Ameendelea kusema “Hakika kwetu hayo ni sawa na bahari ya Mediterranean au bahari kuu ya hadithi za Alfu Leila uleila, hatuwezi ratiba tutaweza kwenda Afcon 2019? hatuwezi kupanga ratiba tutaweza kuwa na mipango madhubuti ya kuendeleza mchezo huu ambao yatajwa watu bilioni tatu duniani kote wanaushabikia?”

MAISHA ANAYOISHI RIDHIWANI KIKWETE AKIWA NYUMBANI NA FAMILIA YAKE

MBUNGE wa Jimbo la Chalinze, Ridhiwani Kikwete ametupia picha mtandaoni ikimuonesha akiwa nyumba kwake huku akitimiza majukumu yake ya malezi na upendo kwa mwanaye yeye akiwa kama baba mzazi.

Ridhiwani ameonekana akimtengeneza nywele binti yake na kutupia picha hiyoa akisindikiza na maneno haya Instagram

Kwa namna moja ama nyingine jambo hilo ni la kuigwa kwani Ridhiwani kupitia picha maneno aliyoandika amewahimiza baba wengine kuwa karibu na watoto wao na kuwasaidia vitu vidogo vidogo wanavyovihitaji kutoka kwa wazazi wao hasa wa kiume ili kuhakikisha wanakuwa katika malezi yaliyo bora na wafikie malengo yao.

MC PILIPILI AWAPIKU WASANII WAKUBWA WALIOMTANGULIA AFRIKA MASHARIKI NA KATI

Ndiye msanii anayependwa sana na watu

Awa gumzo ktk tasnia hii ya uchekeshaji